|
Velkomen til Landsfestival i gamaldansmusikk på Nordfjordeid 14-18 juli 2010. |
Foto: Lars R Lunde
Framme frå v. Jørgen Erviksæter, vaktsjef,Bodvar Årskog, teknisk, Arne Sølvberg,program,Magnus Skjerdal,presse og pr,Jan Ove Lotsberg,økonomi,Johannes Rotihaug, festivalsjef,Jan Torheim,innkvartering,Sigmund Larsen, tevling,Dina Hjelle, mat,Eli Gjertsen Hjelle, sekretær for hovedkomiteen.
Så er 10 år gått og me er klare for ein ny landsfestival i gamaldansmusikk her på Nordfjordeid. Dei som var på festivalen i 2000 reiste heim med mange gode minner. Vi vil gjere vårt beste for at festivalen i 2010 skal bli endå betre , opplevingane endå meir minneverdige,og tilstrøyminga til festivalen endå større.
Det er fire av laga i regionen,- Eid Spelemannslag, Spelemannslaget Fjelljom , Nordbygda Spel og dansarlag og Vindfylla Spel og dansarlag som går saman om i lage festivalen.
Utviklinga i mediaverden har gått raskt og gjennom ei heimeside når ein lett ut til heile landet. Vi vil gjennom denne heimesida oppdatere dykk om alt som det spennande som skal skje på Eid desse dagane.
Eid er ein fin og triveleg kommune som ligg i Nordfjord. Kommunen har eit særs aktivt musikkmiljø med Opera Nordfjord, Malakoff rockefestival og ikkje minst Landsfestivalen i gamaldansmusikk. Desse festivalane spring ut frå eit entusiastisk operamiljø, eit godt rockemiljø og eit levande folkemusikk og gamaldansmiljø. I tillegg har me også musikkkorps, visegrupper, danseband,-kort sagt det meste innan musikk.
Gamaldansarane har samling kvar tysdag. Då samlast dansarar frå heile Nordfjord og også Sunnmøre. Spelemannslaga frå regionen bytest om å spele. I tillegg er det ofte samling på søndagane.
Eid eit kraftsenter for Fjordhesten, med eiga fjordhestlinje på folkehøgskulen og eit levande fjordhestmiljø med hesteutstilling kvart år.
Den som legg ferien sin til Eid frå 14.juli og utover vil kunne oppleve Landsfestivalen i Gamaldansmusikk, Malakoff Rockefestival og turar på hesteryggen i løpet av 10 dagar. I tillegg mykje anna som Eid og dei omkringliggande komunane kan by på. Nytt lenkja til Eid Kommune så får du full oversikt. I tillegg kan du frå Eid Kommune ”klikke” deg vidare til dei omkringliggande komunane .
Vi vonar du og familien din tek turen til Nordfjord 14-18. Juli 2010. Vi skal gjere alt for at du og dine skal få ei oppleving de seint vil gløyme.
Velkommen til Eid.
Helsing oss på bilete og 400 andre som hjelper oss..
Her kan du lesa om Eid kommune
|
