Premiar på Landsfestivalen
På Landsfestivalen i gammaldansmusikk er det pengepremiar av ulike storleik til dei ulike vinnarane og pallplasseringane.
Vinnar i gruppespel får speleoppdrag på Førdefestivalen!
Dei siste åra har Førdefestivalen booka vinnaren av gruppespel på Landsfestvalen i gammaldansmusikk. Dette vil dei også gjere med årets vinnar! Det er stor stas at Førdefestivalen vil vere ein god samarbeidspartnar for Landsfestivalen på denne måten.
Tilbod om å vere showcaseartist på Folkelarm 2024!
Vinnaren av gruppespelklassa på Landsfestivalen får og tilbod om å spele dansespel-showcase på Folkelarm i november. Vinnar av gruppespel får då dansespel-showcase med moglegheit for å vise seg fram for arrangørar og festivaler frå både inn- og utland og får delegatpass til heile Folkelarm, honorar, overnatting og reisestøtte inntil 5000 kr for gruppa.
Tilbod om dansespel til andre- og tredjeplass på Folkelarm 2024
Nytt av året er at også andre- og tredjeplass får tilbod om å få kome på Folkelarm for å spele til dans. Andre- og tredjeplass i gruppespel får delegatpass til heile Folkelarm, og reisestøtte på inntil 5000 kr per gruppe.
Foto: Vinnar av gruppespel 2023, Kompani Byre.
Fotograf: Thomas Westling
Vi treng fleire frivillige, kanskje du kan ta ei vakt?
Les meir og meld deg på her