Landsfestivalen 2020 er 22. til 26. juli

Velkomé til «Vals té tusen»
«Ein smektande vals av Oddvar Nygaard – frå nokre av landets beste spelemenn smyg seg over grasbakken ved stemneplassen. Valsen hyller inn tett omslynga par som trør dansen. Sommarnatta er varm og ved tømmerveggen deler spelemenn nye leiker. Fristande matlukt frå det lokale spisskammeret pirrer ganen. Vi er i Peer Gynts rike, midt i eventyret».

I bygdene våre er vi glade i gjester, og nå gler vi oss til å være vertskap for Landsfestivalen i gammaldans. Glade frivillige går saman om å gi dykk det beste av mat og drikke, luggum overnatting og trivelege møteplasser. Vi har hatt så mange fine opplevingar på Landsfestivalen opp gjennom åra, og det er ei stor glede å få invitere til ekte gammaldansfest – «Så sveitten hølja» i Oddvar Nygaard sitt rike!

Vi gler oss til fine dagar med storslagne musikk- og danseopplevingar langt inn i den Gudbrandsdalske sommarnatta sist i juli neste år – og til å ta imot deg som gjest!

Informasjon om festivalcampingen kjem seinare, vi skal få plass til alle så det hastar ikkje med å tinge seg plass.

Arrangørlaga for Landsfestivalen 2020 er:
Sør-fron Spelmannslag og Mukampen Spel- og dansarlag
medarrangør: Harpefoss og Sør-Fron Idrettslag


Ta kontakt på E-post dersom de lurar på noko
fron2020@landsfestivalen.no
oystein@landsfestivalen.no

LF_2020_Tekst+logo_CMYK_oransje_mørk_1500x398.jpg