No er det ope for påmelding til Landsfestivalen i gammaldansmusikk 2026
Merk at du må velge Landsfestivalen i gammaldansmusikk som tevling, det ligg ute andre tevlingar og. 
Klikk her for å komme til påmeldingssida for tevling

Slik ser det ut der du skal klikke på for å melde deg på, sikre deg at du melder deg på rett arrangement. 

Du må vere medlem i FolkOrg for å kunne delta på tevlingane på Landfestivalen. 
Vil du sjekke om du er medlem og finne fram til medlemsnummeret før du melder deg på, kan du sende sms med kodeord FolkOrg til 1950, så får du opp kva medlemsnr som er registrert på ditt telefon nr. 
Les meir om medlemskap i FolkOrg her

Loddtrekning om billett til fredagskonserten “Heilt Øre!”
Er du av dei første 50 som melder deg på til tevling kan du verta den heldige vinnar av gratis billett til fredagskonserten vår “Heilt Øre”! 

Kompakt arena
Med Vågåhallen som kompakt tevlingsarena ligg alt til rette for en fin festival. I tillegg til tevlingane, byr vi på eit rikt kulturtilbod for alle aldersgrupper med godt fokus på born og ungdom, meir informasjon om dette kjem snarleg på nettsida og vert og delt i sosiale medier. 

Påmeldingsavgift
Det vert gradert påmeldingsavgift for festivalen, slik det har vore dei førre åra. 
Påmeldinga opner mondag 20. april og den endelege påmeldingsfristen er onsdag 3. juni.
All påmeldingsavgift går til lokal arrangør Vågå trekkspelklubb. 

Påmeldingsavgift 20. april t.o.m. 19. mai:
Junior: 200 kr for fyrste påmelding. 100 kr for andre påmelding
Senior: 400 kr for fyrste påmelding. 200 kr per andre påmelding

Påmeldingsavgift 20. mai i t.o.m. absolutt siste frist 3. juni:
Junior: 300 kr for fyrste påmelding. 150 kr for andre påmelding
Senior: 500 kr for fyrste påmelding. 250 kr for andre påmelding

Det er gratis påmelding frå og med fjerde deltaking.

Vi oppmodar alle deltakarane om å lese tevlingsreglementet for den/dei klassane dei skal delta i. Nytt for året er at i lagdans skal laga danse to ulike dansar og kan velje to av desse fire dansane: pols/masurka, reinlender, vals og polka. Sjå meir om tevlingsreglementet på nettsida til FolkOrg (lenke)

Alle som deltek på Landsfestivalen må vere medlem i FolkOrg. Dette kostar kr 400 for vaksne, ungdom (18 - t.o.m. 26 år) kr 200 og kr 100 for born/ungdom under 18 år. Les meir om medlemskap i FolkOrg her (lenke) Er du i tvil om du er medlem så kan du sende sms med kodeord FolkOrg til 1950 og å tilsendt dei medlemskapa som er registrert på ditt telefon nr. (gratis tjeneste).

Ved spørsmål i høve påmeldingssystemet, tevlingsreglement m.m., ta kontakt med FolkOrg
Ingeborg Ulberg Sommer
Rådgjevar
Mob: +47 452 58 237
e-post: ingeborg@folkorg.no

Påmelding til dansespel
Ønskjer du/de å delta med dansespel til Landsfestivalen vert det eige påmeldingsskjema for dette som opnar i løpet av april her på nettsida. Dette vert og kunngjort i sosiale medier. 

Treng du ein plass å overnatte? 
Det er mange ledige plassar for bubil/campingvogn og telt på festivalcampingen. Vi har og ledige plassar i klasserom. Ønskjer du å søkje etter privat overnatting kan du klikke deg inn i facebook-gruppa for privat overnatting som du finn her

Kontaktinformasjon til arrangørane
Her finn du oversikt over kven som er med i hovedkomiteen for Landsfestivalen. 

Ønskjer du å delta som frivillig? 
Det er alltid behov for frivillige på Landsfestivalen, ønskjer du å registrere deg som frivillig kan du gjer det ved å fylle ut skjema som du finn på denne sida her

Landsfestivalen i gammaldansmusikk er eit nasjonal arrangement og består av tevlingar i ulike klassar innan dans og spel/vokal som høyrer til sjangeren gammaldans.

I tillegg til tevlingsprogrammet på Landsfestivalen vert det eit godt kulturprogram med innhald for store og små og sjølvsagt vert det dansespel kvar kveld på fleire golv. 

Onsdag
15:30 – Samspel senior og junior
18:00 – Solo andre instrument og vokal senior
19:00 – Åpning av Landsfestivalen 2026
20:00 – Finalar i Samspel junior og senior og Solo andre instrument og vokal

Torsdag
10:00 – Solo durspel senior
13:30 – Solo fele/hardingfele senior
16:30 – Solo trekkspel senior
18:30 – Pardans senior og junior
20:00 – Finalar i durspel senior, fele/hardingfele senior og trekkspel senior

Fredag
10:00 – Lagspel fele/hardingfele*
15:00 – Lagspel durspel/trekkspel
20:00 – Finalar i Pardans junior og senior, Lagspel fele/hardingfele og lagspel durspel/trekkspel

Laurdag
10:00 – Gruppespel
12:00 – Super junior
14:30 – Gruppespel
18:00 – Lagdans senior og junior
20:00 – Finalar i Super junior og Gruppespel

Sundag
12:00 – Meisterkonsert

*Her kan og eldre folkemusikkinstrument delta med lagspel jmf tevlingsreglementet

Her finn du meir informasjon om tevlingsreglementet som gjeld for tevlingane

Her kan du sjå informasjon om påmelding til tevling

Her finn du informasjon om overnatting

Stønadsordning vidareført også i 2026
Styret i FolkOrg har vedteke å videreføre ordninga med støtte til deltaking for juniorar som fyrst vart innført i 2024. Stønadsordninga har som mål å senke terskelen for deltaking blant juniorar og C-klassingar på Landskappleiken og Landsfestivalen i gammaldansmusikk.

Dette er ei ordning som gjev støtte til lokallaga slik at dei kan dekke påmeldinga for juniorar og C-klassingar på Landskappleiken og Landsfestivalen, samt at lokallaget kan bidra med å dekke reiseutgifter/overnattingsutgifter for deltakande juniorar i samband med arrangementa. 

Ordna er slik at lokallaget kan få kompensert ei påmeldingsavgift til juniordeltakaren, samt reise- og overnattings kostnadar på 1000 kr. I 2026 er Landsfestivalen i gammaldansmusikk i Vågå, så da er det slik at dersom lokallaget har tilhald i Nordland eller nordover, eller Rogaland eller Agder, så får ein reisestøtte på 2000 kr. Ein kan søkje om kompensasjon for deltaking i både junior- og seniorklasser (lagdans sr. og lagspel sr. til dømes. Det er altså lokallaget som må sende inn søknaden, og intensjonen er at lokallaget skal støtte opp om juniorar sin deltaking. Dette er ei lågterskelstøtteordning, slik at så framt junioren faktisk stilte i tevlinga, så trengs ikkje noko meir rapportering. Dersom ein person er medlem i fleire lag, er det berre eitt lag som kan få støtte til deltakinga for vedkommande. 

Søknadsskjema vert publisert i august

Foto frå Landsfestivalen 2024
Vemund Vang - deltakar i Super Junior
Foto: Thomas Westling

Vilkår og retningslinjer
Her kan du lese retningslinjene og kva vilkår som gjeld for bestillingar

NB! Bestillingskartet er forenkla!
I bestillingssystemet er det eit forenkla kart som syner korleis plassane er plassert i forhald til kvarandre. Dette kartet er misvisande mht avstandar mellom camping-områda og areaen. (Dette kartet er ikkje klikkbart, du må skrolle heilt ned på sida for å bestille)

NB! Du må skrolle deg heilt nederst på sida for å finne bestillings-funksjonen - NB! Den ser du ikkje før bestillinga opnar 7. april. 

Felt B og C er teltplassar
For dykk som ynskjer å bu i telt, er det etablert eigne teltplassar ved Vågåmo skule. Desse ligg ved festivalkontoret og ca 150 meter frå hovudarenaen. På desse plassane er det ikkje høve til å parkere bil. Parkering skjer difor på eige område i nærleiken. Det er ikkje straum på desse plassane. Toalett og vatn finn ein inne på Vågåmo skule. NB! Teltplassar er kun egna til telt, her kan ein ikkje ha bil/campingvogn/bubil. 

Pris per teltplass ved Vågåmo skule er kr. 1000,-.
Prisen gjeld for perioda 28. juli kl 10.00 til 2. august kl 16.00

Felt E er Festivalcampingen
Festivalcampingen ligg 800 meter frå hovudarenaen ned mot Vågåvatnet. Det er gangveg frå campingen til arenaen, slik at det er trygt og enkelt å kome seg fram. 

Kvar plass er på 9x9 meter
Plassen er open for bubil, campingvogn eller telt.
Det kan kun vere ein bil tilhøyrande kvar plass. 

Vatn og toalett er tilgjengeleg på festivalcampingen. 
Det er tilgang til straum, ta med lang skøyteledning. 

Pris per plass på festivalcampingen er kr. 2600,- 
Prisen gjeld for perioda 28. juli kl 10.00 til 2. august kl 16.00

BESTILLING AV PLASSAR

Val av plass
Etter at du har fylt inn kontaktinformasjonen får du opp setekartet (illustrert under), kor du kan velje plassen du vil ha. Hald musepeikaren over det feltet du ynskjer å bestille deg plass på, og vel deretter plassen du ynskjer, den valdte plassen vert orange. Er plassen du vil ha grå/kvit så er plassen allereie seldt. Dersom du kjøper f.eks. to plassar, klikker du på dei plassane du ønskjer å kjøpe slik at alle er markerte med orange. 

Når du har valgt den eller dei plassane du vil ha så trykker du på eit svart felt med teksta FORTSETT som er nedanfor kartet. Plassane du har valgt vert haldne av til deg til du har gjennomført bestillinga. Men merk at om du brukar veldig lang tid så vert plassane frigjorte til andre så pass på å fullfør heile bestillinga medan du er i gang. 

Vi treng namn på alle bestilte plassar
Vi treng namn og kontaktinformasjon til ein kontaktperson per plass. Om du bestiller fleire plassar, må du fylle inn informasjonen til kontaktpersonane på dei andre plassane, i tillegg til din eigen. Merk at alle kontaktpersonane skal vere over 18 år.

Samandrag av bestillinga og godkjenning av kjøpsvilkåra.
Før du går til betaling får du opp samandrag av bestillinga. Slik kan du sjå over at du har bestilt det du ynskjer før du betalar. 

Betaling
Du velge mellom betaling med vipps eller kort. 
Sjå ellers her for kjøpsvilkåra for festivalcampingen

Gjennomfør alle trinna i bestillinga
Følg trinn for trinn for å bestille deg plass på campingen. Du kan klikke på den plassen du vil ha, men merk at kartet er kalla “setekart” og plassane er kalla “sete” då dette er bygd på kart berekna for konsertsalar. Det er felt og sete som viser til plassen, “rad 1” har ikkje nokon betydning her.

NB! Merk at du må godkjenne våre kjøpsvilkår for å kunne bestille deg plass på festivalcampingen - du får spørsmål om å klikke av at du har godkjent desse mot slutten av bestillinga di. 

Treng du ekstra hjelp til sjølve bestillinga di finn du ei trinn-for-trinn forklaring her (pdf-fil)

Mykje av overnattingskapasiteten i Vågå under årets Landsfestival er allereie bortinga, men på denne sida vil vi freiste å publisere det vi kjem over eller høyrer om av ledig kapasitet.

Villa Vågå hotell
Det er fortsatt nokre ledige rom på Villa Vågå hotell
Ta direkte kontakt med hotellet for tilbod om overnatting. 
Telefon: 99 49 25 35
E-post: post@villavagahotell.no
Villa Vågå Hotell | Vågåvegen 45 | 2680 Vågå

Privat overnatting
Er du på leit etter overnatting under Landsfestivalen i sommar, og kunne tenkje deg å bu privat?
Eller kanskje du har eit hus / hytte å leige ut i Vågå?
Klikk deg inn på facebook-gruppa her: Privat overnatting - les meir her

Festivalcamping 
Det vert rigga stor festivalcamping med rikeleg med plassar i gangavstand til festivalarenaen. Campingen vil ligge ved Vågåvatnet. Det vert og eigen plass for dei som vil bu i telt. 
Her kan du klikke deg inn for å lese meir og bestille deg plass på festivalcampingen

Klasseromsovernatting
Det vert mogleg å overnatte i klasserom. Klasseromma vert i gangavstand til arenaen. 
Her kan du klikke for å lese meir og bestille deg plass på klasserom

Kontaktperson for overnatting: 
Geir Inge Stadeløkken
Økonomi og overnatting
E-post: geir@landsfestivalen.no
Tlf: +47 916 09 109

Alle kan hjelpe til med noko!
Vi treng hjelp med både små og store oppgåver. Det kan vere matlaging, servering, rydding, vakthald, rigging av scene, følje utøvarar til og frå scena, hjelpe til med å rigge campingplassar og arenaer, lage aktivitetar for born og unge, og mykje meir.

Du kan melde deg som frivillig ved å trykke på knappen nederst på sida eller send oss ein e-post eller ein sms så finn vi ein oppgåve til deg. Meld gjerne kva kva slags oppgåver du vil ha, så skal vi prøve å innfri alle ønskje. Du skal få god rettleiing, slik at du meistrar oppgåvene.

Meld deg på for å vere med på ein sosial og morosam dugnad, der du får høve til å oppleve Landsfestivalen frå innsida!

I tillegg til opplevinga får du dette som frivillig:

• T-skjorte
• Mat og drikke undervegs i vakta
• Invitasjon til dugnadsfest
• 1 vakt gjev valfri dagsbillett
• 2 vakter eller meir gjev gjennomgangsbillett til arenaen/tevlingar inkl. Meisterkonserten. (Nb! Gjennomgangsbillett gjeld ikkje andre konsertar på Landsfestivalen).

Kontaktperson for frivillige:
Per Ove Røe
Tlf 99463691
E-post: per.ove@landsfestivalen.no

Tusen takk for at vil vil vere med!

MELD DEG SOM FRIVILLIG HER

Landsfestivalen i gammaldansmusikk i Vågå 29.juli – 2.august 2026

Vågå Trekkspelklubb arrangerte Landsfestivalen for fyrste gong i august 2022, eit år med rekordpåmelding med 1120 deltakingar. Med Vågåhallen som kompakt tevlingsarena og fersk erfaring frå i fjor, ligg det godt tilrette for enda ein flott landsfestival i gammaldansmusikk i Nord-Gudbrandsdalen.

Leiar for Landsfestivalen 2026
Arne Stasviken
arne@landsfestivalen.no
Tlf: 924 95 680

Her kan du sjå resten av hovedkomiteen

Seksuell trakassering, diskriminering og maktmisbruk strir mot FolkOrg sine verdiar. FolkOrg er ein open organisasjon der deltaking på tvers av mellom anna kjønn, generasjonar og ulike identitetar er noko ein ser på som verdifullt, og som er viktig å ta vare på. FolkOrg ynskjer å ha trygge miljø og ein trygg atmosfære for både barn, unge og vaksne. Vi skal alle respektera det personlege rommet til andre og ikkje overskrida grensene for akseptabel åtferd.  

Å skipa møtestader for samvær på tvers av generasjonar er noko av det FolkOrg har som sine oppgåver. FolkOrg forvaltar både Landskappleiken, Landsfestivalen i gammaldansmusikk og Folkelarm, og desse tre er av dei største møtepunkta i folkemusikkmiljøet. Difor er det viktig at alle som kjem på desse arrangementa veit at det er trygt og inkluderande miljø her. 

Vi vonar at alle som kjem ter seg etter retningslinene, og er med å skapar eit flott og stemningsfullt arrangement. 

Retningslinene for trygt sosialt miljø finn du her (lenke)

Utdrag frå retningslinene: 

Formålet med retningslinjene er å verna alle i miljøet mot trakassering. Reglane er ikkje meinte for å regulera det som er ønskt frå begge partar og ikkje rammar andre i miljøet. 

• Me behandlar alle med respekt, og avstår frå alle former for kommunikasjon, handling eller behandling som kan opplevast som krenkjande.
• Me er klar over maktforhold og risikofaktorar for maktmisbruk. Me er kjende med kva som kan utgjera seksuell trakassering og diskriminering, og unngår å trakka over grensene til andre.
• Me er klar over rolleforståing, makt og grenser når me omgåst andre. Den enkelte må utvisa varsemd for ikkje å misbruka den makta og respekten ein rår over. Til dømes ved å utnytta sin posisjon for å oppnå seksuelle forhold som ikkje er basert på gjensidig ønske eller forståing.
• Me viser respekt for andre medlemmer, utøvarars, kursdeltakarar og leiarars/privatlivet til instruktøren.
• Me er klar over korleis spøk, humor og komplimentar kan oppfattast ulikt og er varsame med å bruka kallenamn på andre, og med å kommentera utsjånaden til andre.
• Gruppebaserte skjellsord skal ikkje brukast.
• Me unngår å tilleggja folk eigenskapar på grunn av kjønn, kjønnsuttrykk, seksuell orientering, funksjonsevne, hudfarge, alder, kulturell og religiøs tilhøyrsel.
• Me har eit medvite forhold til inntak av alkohol, særleg i settingar der barn og unge er til stades.
• Ein skal gripa inn og varsla dersom ein opplever brot på desse retningslinjene.
• Apparatet omkring verksemda (instruktørar, leiarar, tillitsvalde, styremedlemmer, foreldre mfl.) har hovudansvar for at retningslinjene blir gjorde kjent og blir overhaldne i all aktivitet i FolkOrg sine lag, kurs, festivalar, og andre arrangement.

FolkOrg sine varslingsrutiner finn du her (lenke)

Kven kan sende varsel til FolkOrg

• Personar som sjølve opplever seksuell trakassering, diskriminering, maktmisbruk eller anna brot på FolkOrg sine retningsliner, på eit arrangement eller i eit miljø knytt til FolkOrg.
• Personar som opplever at andre, eller mistenker at andre blir utsett for seksuell trakassering, diskriminering, maktmisbruk, eller anna brot på FolkOrg sine retningsliner, på eit arrangement eller i eit miljø knytt til FolkOrg.
• Ein treng ikkje vere medlem i FolkOrg for å for å varsle.
  
  Foto: Sosialt samvær på tvers av generasjonar.  
  Fotograf: Kine Rosnes Hansen

Smakebit av festivaltv med Even Lusæter

Velkommen til direktesendt festival-tv! 
Under Landsfestivalen i Vågå skal vi gjere noko som aldri har vore gjort før! 

Torsdag, fredag og laurdag blir det ein times direktesending frå festivalen, der du kan få ein smakebit av tevlingar og konsertar, samt at vi tek pulsen på livet rundt om på festivalområdet og i sentrum 

Vi er så heldige å ha fått med oss Terje Gording Hong og Even Lusæter til å stå for produksjon og innspeling av sendinga. Tv-sendinga vil bli filma på eit eige område/scene kring matteltet/hallen slik at det er fullt mogleg å være publikum til programma. 

Det vert ikkje direktesending frå tevlingane i år, men vi oppfordrar alle til å få med seg desse ettermiddagssendingane vi skal ha torsdag, fredag og laurdag. Vi startar sendinga kl 17.00 kvar dag! 

Her er lenker til direktesendt festival-tv

Torsdag 4. august

https://youtu.be/rdRJldNgw9I

Fredag 5. august

https://youtu.be/SaYZWaFA2G0

Laurdag 6 august

https://youtu.be/R8dlDM5fqS8

Følg med oss på sosiale medier for fleire smakebitar frå festivalen! 

Facebook
www.facebook.com/landsfestivalen

Instagram
www.instagram.com/landsfestivalen

Snapchat
Søk opp ´folkemusikk norge´ eller bruk koda under