Årets framsyning er:

Heilt øre!
Ein gammaldansfantasi

Drøymer du om å danse? Om den beste musikken å svinge seg til ein sommarkveld? Om å svinge rundt på dansegolvet, rundt og rundt til du blir heilt øre?

Vi drøymer om gammaldans, både den vi har høyrt og den vi ikkje har høyrt. Vi fantaserer om den beste musikken, om kva gammaldansen har vore og kva han kan bli. Og vi har med oss eit vell av Vågå sine beste utøvarar, frå dei aller ferskaste til dei som har spela eit heilt langt liv. Det blir kjende slåttar og nye låtar, solistar og full scene, melankolsk, roleg, vakkert, dansbart og med fullt trøkk. Kva vi vil med konserten? Gjere deg og resten av publikum heilt øre av begeistring!

Vegar og Mette Vårdal

Medverkande:
Vegar Vårdal – komponist og musikalsk ansvarleg
Ragna Valde Sletten – komponist og musikar i husbandet
Bjørn Kåre Odde – komponist og musikar i husbandet
Inge Gjevre – komponist og musikar i husbandet
Vegard Hansen – musikar i husbandet
Martin Steinum Brun – solist

I tillegg medverkar Vågå trekkspelklubb, Skultbakkalaget, Gudbrandsdalen hardingfelelag, elevar frå Vågå kulturskule leia av Clyde Bonifacio og Vilde Vårdal med fleire.

Inngang: 300 kr
Born til og med 18 år kjem inn gratis

Dans frå morgon til kveld!
Landsfestivalen i gammaldansmusikk = dans frå morgon til kveld! I tillegg til rekordstor påmelding til tevlingane er det rekord i antall påmeldte grupper og lag til dansespel og miljøspel! Tusen takk til alle som har meldt seg på! 

I Hallen er det finalar i starten av dansespel-tidene som er sett opp her og laurdag vert det dansespel etter finala dersom det vert tid til det. 

MERK: at det kan verta endringar i dansespeltidene. 

KONTAKTPERSON for dansespel og miljøspel:
Vegard Hansen
dansespelLF2026@landsfestivalen.no
Tlf: 47245904
 

Billettar til dans på Landsfestivalen
For å vere med på dansefestane på Landsfestivalen kjøper du deg dagsbillett eller gjennomgangsbillett til festivalen. Det er ikkje eigen kveldsbillett, billetten gjeld heile dagen for tevlingar, finalar og dansespel. 
Les meir om billettar her

Dansespel på Landsfestivalen er dugnadsspeling
Det er ikkje noko reduksjon i prisen på dagsbillett/gjennomgangsbillett for dei som skal spele til dans. Alle som deltek i tevling på Landsfestivalen betalar for å delta, og mange av desse spelar og til dans. Det vert difor rettferdig og likt for alle at dei som ikkje deltek i tevling, men ønskjer å spele til dans, betalar for inngang til festivalen. 
 

Dersom du øver på ei av stemmene – anten Gresshoppe (hovudstemme), Marihøne (understemme) eller Sommerfugl (understemme) – kan du vere med på storkonserten fredag kveld! 

Vegar Vårdal har komponert musikken til konserten som har namnet "Heilt øre - ein gammaldansfantasi". Konserten skal vere kl 19.00 i Vågåhallen fredag 31. juli som ein del av Landsfestivalen i gammaldansmusikk. No kan du øve inn ei av stemmene og vere med på avslutningsnummeret. 

Vegar har spelt inn videoar til dei ulike stemmene og vi har og notar til dei ulike stemmene om du vil ha det, notane finn du som lenker under filmane av Vegar. 

Det vert felles øving på desse stemmene under fellesøvingane for Landsfestivalen juniorspelemannslag, for alle som ønskjer å vere med. 

Her får du video av dei tre stemmene du kan velge mellom - øv på ei av dei og bli med på storkonserten fredagkveld på Landsfestivalen! 

Klikk på bilda og kom rett til filmane

Her kan du laste ned pdf-fil av notane til gresshoppe

Her kan du laste ned pdf-fil av notane til sommerfugl

Her kan du laste ned pdf-fil av notane til Marihøne

Les meir om Landsfestivalen juniorspelemannslag her

Superfestivalen er ei scene for born opp til 12 år. Dette er ikkje ei vanleg tevling med poeng og rangering, men ei mønstring for alle born som ynskjer å delta. 

Her er det ope for alle uttrykk, anten det er å danse, syngje eller spela eit instrument. Det er gratis å delta, og ein kan stilla både åleine eller saman med andre. 

- Gjer som Tusti, ta på deg di usynlege superkappe og delta på SUPERFESTIVALEN du og! 

Alle born som deltek får Tusti-premie og positiv og konstruktiv attendemelding frå dommarane! 

*Superfestivalen erstattar den tradisjonelle sjokoladefestivalen, men det er samme innhald, gode stemning og like lavterskel og morro som før! Mønstringa er meint for alle som er for unge til å delta i dei vanlege tevlingane på Landsfestivalen! 

Hels på Tusti - vår eigen maskot for born og unge! 
FolkOrg har fått ein ny ven som heiter Tusti som er spesielt glad i å spele, synge, danse og leike med andre ungar. Du vil sjå att denne glade figuren mange gonger framover! Du kan lese meir om Tusti på www.folkorg.no

Her ser du oversikt over tevlingsprogrammet

Tysdag 28. juli
Kl. 18.00: Gammaldanspub på Søre Bu

Onsdag 29. juli
Kl. 20.00: Opningskonsert - Hallen
Kl. 21.00: Dansespel - Hallen
Kl. 21.30: Dansespel - Matteltet

Torsdag 30. juli
Kl. 12.00 – 13.00: Songleik for dei minste - Ullinsvin Prestegard
Kl. 15.30 - 01:30: Dansespel - Matteltet
Kl. 16.00 – 17.00: Dansekurs - Matteltet
Kl. 18.30: Plateslepp med Leif Inge Schjølberg og Dag Gården - Sve Gard
Kl. 20.30 - 01.30: Dansespel inkl finalar - Hallen

Fredag 31. juli
Kl. 12.00 – 13.00: Songleik for dei minste - Ullinsvin Prestegard
Kl. 15.30 - 01.30: Dansespel - Matteltet
Kl. 16.00 – 17.00: Dansekurs - Matteltet
Kl. 18.00: Plateslepp med Skultbakkalaget - Matteltet
Kl. 19.00: Storkonserten Heilt øre! – ein gammaldansfantasi - Hallen
Kl. 19.00 - 01:30: Dansespel - Kulturhuset
Kl. 20.00 - 01:30 Dansespel inkl. finalar - Hallen

Laurdag 1. august
Kl. 12.00: Superfestival for born (oppmøte/registrering frå kl 11.00) - Scena ved kommunehuset
Kl. 18.00: Dansespel - Matteltet
Kl. 19.00: Plateslepp med Naustedalen Spelemannslag og Håvard Svendsrud - Matteltet
Kl. 20.30 - 01.30: Dansespel - Kulturhuset
Kl. 20.30: Dansespel inkl. finalar - Hallen

Sundag 2. august
Kl. 12.00: Meisterkonsert - Hallen

Les om Landsfestivalen juniorspelemannslag her

Rekordstor påmelding på årets tevling!
Det er gledeleg at det er rekord i påmelding i år igjen, dette tyder på ei auka interesse for gamalddansen! 

På grunn av den store deltakinga vert to tevlingar fløtt til kulturhuset, dette er lagdansen og pardansen som vil gå litt parallellt med trekkspel senior og gruppespel, sjå derfor ekstra på om deltakingane i desse klassane vil kollidere. 

Her ser du oppdatert tevlingsplan med nye klokkeslett og scener
 

Her er startlista for Landsfestivalen 2026
oppdatert 2. juli 2026
https://startliste.folkorg.no/klasser/?kid=150

NB! Siste frist for attendemelding til FolkOrg var 30. juni kl 12.00 

Kontaktperson for startlister er 
Ingeborg Ulberg Sommer
Ingeborg@folkorg.no 

Tradisjonsmusikken frå Ottadalen og Gudbrandsdalen, spesielt det gamle durspelrepertoaret, har vore hovudfokuset til Skultbakkalaget sidan oppstarten i 2012. Med Jørn Kjetil på durspel, Jon Sverre og Rikard på kvart sitt trekkspel, Aleksander på gitar og Simen på kontrabass, har gruppa sett sitt umiskjennelege preg på denne dansemusikken.

Alle medlemmane i Skultbakkalaget har i ungdomen fått opplæring av dei fremste tradisjonsmusikarane av i dag. Blant dei er Jan Visdal og Geir Marius Thorud, begge utøvarar på både durspel og trekkspel. Desse to sit inne med stor kunnskap om tradisjonsmusikk og -linene i Gudbrandsdalen, og det er spesielt durspelmusikken etter

Ola Kampen (1862-1944) som Skultbakkalaget etter kvart fekk ein forkjærleik for. Seinare har gruppa tileigna seg repertoar frå andre kjelder, mellom anna både gamle og nye opptak på arkivet i Vågå. 

Skultbakkalaget har vunne orkesterklassa på den årlege Storefjelltreffen to gongar. 

Dei som er med: 
Jørn Kjetil Solbakken - durspel
Rikard Odnes - trekkspel
Jon Sverre Sætrom Thoresen - trekkspel
Simen Midtli Grindstuen - kontrabass
Aleksander Ødegård - gitar

Plata «Læt te dans» lanserast som CD fredag 31. juli på plateselskapet Melovitten. 

Leif Inge Schjølberg (fele) og Dag Gården (trekkspel) er godt forankra i folkemusikktradisjonen i Ottadalen, og begge har om lag 50 års fartstid som spelemenn.

Leif Inge har i ei årrekkje vore aktiv som dansespelemann, særleg gjennom samarbeid med Visdals kvintett. Han har oppnådd gode resultat ved Landskappleiken og Landsfestivalen, og har medverka på fleire plateinnspelingar.

Begge vaks opp i heimar med rik folkemusikktradisjon. Dag har, i tillegg til ei omfattande utøvande verksemd innan folkemusikk, klassisk utdanning frå Noregs musikkhøgskule. Han har òg delteke på ei rekkje plateinnspelingar.

Dag har vore særleg oppteken av å arrangere folkemusikk for fele og trekkspel, noko som kjem tydeleg fram i denne produksjonen.

Her spelar Leif Inge og Dag slåttar etter sentrale tradisjonsberarar frå Ottadalen, mellom andre Kristen Vang (1902–1979), Rikkar Skjelkvåle (1890–1976), Petter Eide (1911–1994), Pål Skogum (1921–1979) og Kristian Gården (1924–2017).

I tillegg framfører dei eigenkomponert materiale i tradisjonell stil.

Plata har fått tittelen «Ettsleppen», og gis ut på plateselskapet Melovitten.