Arrangørar av Landsfestivalen 2027 er:
Numedal spel- og dansarlag og Tradisjonslaget i Kongsberg Trekkspillklubb.
Lampeland er ein tettstad som ligg i Flesberg kommune og det er omlag 20 minutt køyretid frå Kongsberg.
Arenaen for Landsfestivalen
Arenaen til Landsfestivalen 2027 er ved Stemningsmogen Fritidspark. Her er det skole, svømmehall og idrettshall i tillegg til et fint uteområde. Det er gangvei gjennom skogen til festivalcampingen og bare noen få minutter gange til sentrum med butikker, hotell, bensinstasjon med mer.
Adresse til arenaen er: Numedalsvegen 2022, 3623 Lampeland
Festivalcamping - bestill deg plass allereie no!
Under Landsfestivalen 2027 ønskjer vi å samle festivaldeltakarane på ein felles festivalcamping med god kapasitet, som gjer at deltakarar og publikum kan bu samla gjennom heile festivalveka.
Festivalcampingen har flatt og fint underlag og ligg om lag 800 meter frå festivalarenaen. Det går ein fin gangveg gjennom skogen, men det er òg enkelt å køyre bil eller sykle den korte vegen mellom campingområdet og arenaen.
På festivalcampingen finn du vatn, toalett og dusjfasilitetar, og straum er inkludert i campingavgifta.
Vi vonar òg å få på plass ein liten butikk i låven som ligg ved festivalcampingen, vi ser for oss utsalg av basisvarer og andre nødvendigheiter gjennom festivaldagane. Det er og kort veg til sentrum med fleire matbutikkar.
Det er kort veg frå campingplassen til fine bademoglegheiter i Lyngdalselva, det er perfekt for eit forfriskande bad mellom tevlingar, konsertar og dansespel!
Det er no opna for bestilling av plassar på festivalcampingen
Teltcamping
I tillegg til festivalcampingen vert det eigen teltcamping heilt tett på festivalarenaen, sjølvsagt med god tilgang til dusj og toalettfasilitetar. Vi opnar for bestilling av teltplassar i haust.
Klasseromsovernatting
Det vert og mogleg å tinge seg overnatting i klasserom. Alle klasseromma er på arenaen for landsfestivalen så det er ca 0 meter i gangavstand. Vi opnar for bestilling av klasseromsplassar i haust.
Hotell
Det er eit hotell på Lampeland, Lampeland hotell. Dette hoteller er allereie fullbooka.
I Kongsberg er det fleire hotell og overnattingsstader så om ein vil bu på hotell er det moglegheiter for det her.
Privat overnatting
Vi har laga ei facebook-gruppe for formidling av privat overnatting på Lampeland, her kan de legge inn ønskjer om overnatting og dei som har noko å leige ut kan melde frå om det her. Klikk her for å komme til facebook-gruppa
Vi vil tilrettelegge så godt vi kan
Vi vil gjere vårt beste for at alle skal finne seg overnatting og legg difor her ut eit skjema der de kan fylle inn ønskjer for leige av telt, lavvo, campingvogn, bubil etc. Dette gjer vi for å få ei oversikt over kva som kan vere av ønskjer frå dykk, vi lovar ikkje at vi kan oppfylle alle ønskjer, dette er ikkje bestilling - men vi vil gjerne sjå kva vi kan gjere.
NB! Dette handlar ikkje om campingplassar og bestilling av det, og det er IKKJE bestilling - sender du inn skjema her så må du merke deg at dette er ønskjer som vi skal notere oss, det er ikkje dermed sagt at dette vert mogleg å få til.
SKJEMA FOR ØNSKJER
-Vi lovar ikkje ut at vi kan oppfylle alle ønskjer, og du bestiller ikkje noko ved å fylle ut skjemaet. Dette er kun ønskjer.