Velkommen til Landsfestivalen som presse  
Dei som ønskjer å komme til Oppdal for å dekkje landsfestivalen, kan melde seg via denne lenkja her: https://www.landsfestivalen.no/soek-om-presseakkreditering-for-landsfestivalen.6665583-573453.html

NB! Vi kjem ikkje til å rekke å sende ut pressemeldingar med resultata i forkant av kunngjeringar av finalistar då det ofte er knapp tid for dommarar og resultatservice til å klargjere til finaler. 

Vi oppdaterer facebooksida til Landsfestivalen fortløpande med finalistar og anna info, følg oss gjerne på facebook: https://www.facebook.com/Landsfestivalen

Følg og med på www.landsfestivalen.no


På denne sida, nedanfor her, finn de alle lenkjer de treng for å finne resultat, bilete og kontaktinformasjon. 


Kontaktperson for presse: 
Liv Annette Nygjerdet
Tlf 934 19 382
E-post: livannette@folkorg.no 

Om Landsfestivalen i gammaldansmusikk
Den fyrste Landsfestivalen vart arrangert i Førde i 1986, og har sidan vorte arrangert kvart år bortsett frå pandemiåra 2020 og 2021. Landsfestivalen i gammaldansmusikk er Noregsmeisterskapen i gammaldansmusikk og det tevlast i solospel, gruppespel, lagspel, samspel, pardans og lagdans. Tevlingane er inndelt i junior og senior. I tillegg har vi sjokoladefestival der dei yngste kan delta med song, spel og dans. Dette er ei mønstringstevling med sjokolade som premie. 

Arrangementet går over fem dagar i slutten av juli/byrjinga av august, og rundt 3000 – 4000 tilreisande og gjester kjem kvart år til landsfestivalen. Landsfestivalen er ambulerande og flyttar kvart år til ein ny arrangementsstad. Det er FolkOrg, organisasjon for folkemusikk og folkedans, som eig arrangementet, men kvart år er det ein lokal arrangør som er arrangør. Som oftast er det eit av dei lokale spel- og dansarlaga i organisasjonen som er arrangør, og i 2025 er det altså Oppdal Spell- og Dansarlag som har teke på seg den viktige oppgåva med å skipe til Landsfestivalen i gammaldansmusikk, det er Gry Hoel som leiar av hovedkomiteen. Her ser ein kontaktinfo til heile hovedkomiteen. 

Kva det tevlast i på Landsfestivalen:
Det skal tevlast i 14 klasser i år, og det er heile 845 deltakarar som deltek, dette er ny rekord! Fleire av desse deltek fleire enn ein gong i løpet av veka. Det er totalt 245 startnr som skal i elden, og første tevlinga startar kl 13.00 onsdag 30. juli. 

  • Både enkeltutøvarar, grupper og spel- og danselag deltek. 
  • Stort spenn i utøvarar – unge og eldre på alle nivå  
  • Det vert tevla både i musikk og dans
  • Innan musikk vert det tevla i følgjande klasser: 
    • Solist Senior: Durspel, Trekkspel, Fele/hardingfele, Vokal/andre instrument.
    • Solist junior: Durspel, Trekkspel, Fele/hardingfele - med felles Super-junior finale. 
    • Lagspel: Lagspel fele/hardingfele, Lagspel durspel/trekkspel
    • Gruppespel 
    • Samspel senior og Samspel junior
  • Innan dans vert det tevla i følgjande klasser
    • Pardans
    • Lagdans
  • Junior er deltakarar til og med 18 år. Senior er alle over 18 år. Alle under 18 år kan delta i lagspel og gruppespel. Det er ellers ingen inndeling i klassser. 

Startlister for Landsfestivalen 2025
Her finn du alle deltakarar for Landskappleiken i år, startlistene vert oppdaterte fortløpande ved eventuelle endringar. http://startliste.folkorg.no/klasser/?kid=132

Finalar
På Landsfestivalen i gammaldansmusikk er det finaler i nesten alle klassane. Når finalistane er klare vert dei annonsert frå scena under tevlingane og på nettsida så snart dommarane er klare med resultata. Når finalistane er publisert på nettsida vert og resten av resultatlista publisert. Korleis rangeringa av topp tre vert, blir ikkje offentleg før på meisterkonserten sundag. Her finn de resultat etter kvart som dei vert publiserte: https://resultat.folkorg.no/

SUPER-JUNIOR
I år er det heile 19 deltakarar i Super-Junior. Dette er solistar til og med 18 år. Dei deltek i same tevling med ulike instrument. I år er det deltakarar i klassene fele/hardingfele, durspel og trekkspel. I mange år har det vore få deltakarar i dei ulike junior-klassene, slik at Super-junior vart starta for å sikre at juniorar og fekk spele finale. No kjem dei med høgast poengsum, uavhengig av instrument, til Super-junior finala, der det til slutt vert kåra topp tre. I tillegg vert dei ulike instrumenta rangerte kvar for seg, slik at det er mogleg å vinne feks trekkspel junior utan å kome til finala i Super-junior. 

Tevlingsreglemet
Det er styret i FolkOrg som har ansvaret for tevlingsreglementet til Landsfestivalen
Her kan de lese gjeldande tevlingsreglemet

Dommarar
Det er styret i FolkOrg som har ansvaret for å utnemne dommarar på Landsfestivalen.
Her kan de sjå kven som skal dømme årets Landsfestival

Fotografering av utøvarar på Landsfestivalen 2025
Vi kjem til å fotografere alle utøvarar som deltek i tevling. Vi lastar opp bilete så snart vi kan til FolkOrg sin Flickr-konto. Dei bileta som de finn i dette albumet kan de fritt nytta mot kreditering slik: 
Fotografnamn/FolkOrg. De kan og søkje etter utøvarar på FolkOrg sin Flickr-konto. 

De kan og nytte bilete teke på tidlegare arrangement, vurder alder på bileta, etter same krediteringsreglar: FolkOrg har mange album på Flickr, de kan sjå dei her

Foto av årets arrangør Oppdal Spell- og dansarlag
Vi har lasta opp nokre fotografi som syner lokal arrangør Oppdal Spell- og Dansarlag frå tidlegare festivalar, samt bilete av hovedkomiteen og leiar Gry Hoel. Desse kan de fritt nytte mot kreditering av fotograf. https://www.flickr.com/photos/82915246@N03/albums/72177720327660007/

Oversikt med kontaktinformasjon - kun til bruk ved henvendelsar kring Landsfestivalen 2025. 

Kven deltek i dei ulike gruppene i gruppespel og samspel senior? 
Det er ikkje så lett å vete kven som er med i dei ulike startnummera i gruppespel og samspel. Vi har laga ei oversikt der du kan sjå kven som deltek i dei ulike gruppene og kven som er kontaktperson for dei ulike gruppene. 

Kontaktpersonar for lagspel og lagdans. 
De finn og oversikt over kven som er kontaktpersonar til ulike laga. Denne oversikta er kun til bruk dersom de ønskjer å kontakte nokon av desse i forbindelse med deltaking på årets Landsfestival. 

Her finn de oversikt over deltakarar og kven som er kontaktpersonar (Excel-liste)
NB! Lista er kun til bruk for presse

Kontaktinformasjon for enkeltutøvarar
Vi har ikkje lister over kontaktinformasjon til alle enkeltutøvarar på Landsfestivalen. Dersom de ønskjer å komme i kontakt med enkeltuøvarar for intervju eller anna i forbindelse med Landsfestivalen må de finne fram til kontaktinformasjon til desse sjølve. 

Ta gjerne kontakt
Dersom de treng meir informasjon kring pressedeltaking, har spørsmål kring resultat eller liknande ta gjerne kontakt med rådgjevar i FolkOrg, Liv Annette Nygjerdet. 

Liv Annette Nygjerdet
Tlf 934 19 382
E-post: livannette@folkorg.no 

Meir informasjon: 
Følg oss på facebook: https://www.facebook.com/Landsfestivalen
Følg oss på Instagram: https://www.instagram.com/landsfestivalen
Vi kjem og til å publisere på Snapchat-kanalen «folkemusikk norge» gjennom festivalveka. 

 

PRESSEMELDING, SENDT UT 21. JULI


Rekord-deltaking på årets Landsfestival!
Neste veke samlast gammaldansfolk i alle aldrar seg til Noregsmeisterskapen i gammaldansmusikk; Landsfestivalen i gammaldansmusikk. Det er Oppdal Spell- og Dansarlag som ønskjer velkomne til landsfestivalen i år, med Oppdal som arrangørstad. Det skal tevlast i 14 klasser, og det er heile 845 deltakarar som deltek ein eller fleire gonger i løpet av veka, noko som er ny rekord!

Det er ikkje første gongen Landsfestivalen vert arrangert i Oppdal. Det er ein røynd arrangør som har teke på seg arrangementet, Oppdal Spell- og Dansarlag har vore arrangørar heile fire gonger tidlegare, i 1990, 2004, 2011 og i 2017. Heile laget er engasjerte i stort og smått kring festivalen, og det er første gongen Gry Hoel er leiar for hovedkomiteen. Gry kan fortelje at arrangørlaget er både stolte og audmjuke over den store deltakinga til årets festival. - Vi synes det er utrolig kult at vi har sprengt den gamle rekorden fra 2022 og kan skilte med hele 845 deltakere, det er 143 flere deltakere enn forrige rekord, seier Gry. Ho legg til at den store deltakinga har ført til luksusproblem, tevlingane må starte allereie kl 09.00 på morgonen for at alle skal få delteke på ein god måte. 

Styreleiar i FolkOrg, Kristian Hanto, er og svært glad for den store påmeldinga til tevling på Landsfestivalen i gammaldansmusikk. -Gledeleg rekordoppslutning om Landsfestivalen i gammaldansmusikk på Oppdal, seier styreleiar Kristian Hanto i FolkOrg.  -Dette lovar godt for rekruttering til runddansmusikken og vidareføring av desse tradisjonane." Seier Hanto som legg til at han gler seg til å reise til Oppdal på landsfestival første helga i august. 

Noregsmeisterskap i gammaldansmusikk
På landsfestivalen i Oppdal skal tevlast i fire dagar, med både dans og spel frå morgon til kveld. Tevlingane startar kl 09.00 på morgonen og held fram med tevling og finalar utover til midnatt onsdag, torsdag, fredag og laurdag. 845 personar skal tevle i 14 ulike klasser innan solospel, gruppespel, lagspel, pardans og lagdans. Det er svært god påmelding til årets meisterskap og det vert spanande å følgje med på kven som kjem til finalene. Det unike med tevlingane på landsfestivalen i gammaldansmusikk, er at publikum kan danse til alle utøvarane. Dette gjer landsfestivalen til ein familievennleg festival der folk i alle aldrar kan danse frå tidleg om morgonen til langt på natt. Tevlingane på landsfestivalen er inndelt i junior og senior klassar, og i tillegg vert det skipa til sjokoladefestival der dei yngste kan delta med song, spel og dans.

Spesielt fokus på born og unge!
Oppdal Spell- og Dansarlag er opptekne av at born og unge skal få fine dagar på festivalen og har lagt opp til eit eige program for born og unge med fleire kurs og samlingspunkt. –Vi ønsker spesielt velkommen til alle barn og juniorer, som vi mener det er superviktig å legge best mulig til rette for, slik at motivasjon og lyst til å føre tradisjonsmusikken og dansen videre blir ivaretatt for kommende generasjoner, seier Gry Hoel. I tillegg til den tradisjonelle sjokoladefestivalen, der born deltek i ei mønstringstevling med sjokolade som premie, har arrangøren lagt til rette for at alle som ønskjer det kan delta i Landsfestivalen Juniorspelemannslag. Leiar for kulturnemnda, Øyvind Sandum, har tilrettelagt for tre slåttar som vart publiserte på nettsida til landsfestivalen tidlegare i vår. Alle som ønskjer det har difor kunne øve på slåttane for å delta i laget. Laurdag på festivalen skal det heile skje; Landsfestivalen juniorspelemannslag opptrer i forkant av finalane med tre slåttar! 

Ungdommar frå Europa
FolkOrg har i samarbeid med Oppdal Spell- og dansarlag fått tilsagn på å vere ein såkalla «Meet-up» for ungdom som reiser på interrail med Erasmus+ programmet til EU. Dette betyr at det kjem omlag 10 ungdommar frå ulike europeiske land på besøk til årets landsfestival. Ungdommane skal vere publikum på festivalen som alle andre, men i tillegg vert det skipa til nokre eigne ungdompostar i programmet. Vi ønskjer og å invitere ungdommar som er tilstade på landsfestivalen, anten som deltakarar eller publikum, med på desse programpostane. – Vi har lenge hatt eit ønskje om å gjere noko spesielt for ungdomsgruppa som er tilstades på Landsfestivalen i gammaldansmusikk, og er glade for å få moglegheiten til å skipe til nokon ekstra programpostar tilrettelagt for denne gruppa, seier rådgjevar i FolkOrg, Liv Annette Nygjerdet.  

Kulturprogram
I tillegg til tevling er det dansespel og sosialt samvære som er i hovedfokus dei fem dagane landsfestivalen varar. Sjølv om tevlingane er flotte konsertar i seg sjølv, er det og sett opp ekstra kulturporgram. Her er det bestillingsverket FOKSTUGU som er hovedkonserten med nyskreve musikk av Erlend Viken og tekstar av Kjell Marius Snipen. «Fokstugu» er eit bestillingsverk for Landsfestivalen i gammaldansmusikk 2025. Hovedkomponist for verket er Erlend Viken. Erlend Viken er født og oppvaksen i Oppdal, og har vore aktiv medlem i Oppdal Spell- og Dansarlag sidan han var 12 år. I tillegg til Erlend bidreg Kjell Marius Snipen med tekster. Kjell Marius er ein anerkjent rapper fra Dombås. Han er kjent fra prosjekter som «Ogobår» og «Dåm», men har og vore delaktig i mange andre prosjekter. Sammen ønskjer desse de å bevise at kombinasjonen gammaldans og rap på Dombåsdialekt er ein naturleg match, og dei trur ikkje dette vore gjort før. Les meir om konserten her

Sundagen startar med gammaldansmesse i Oppdal kirke, her vert det flott musikk med mange ulike aktørar frå fleire stader i landet. Det vert både musikk og dans i samband med messa denne sundagen. Gammaldansmessa startar kl 10.00 og det er gratis inngang. Les meir om gammaldansmessa her

Landsfestivalen i gammdaldansmusikk avsluttast som vanleg med meisterkonsert på sundag. Konserten startar kl 12.00 og her får vi endeleg vete kven som får dei ulike plasseringane i topp tre i alle klasser. Dette er en fin og spanande konsert der vi får høyre og sjå alle pallplasseringane frå festivalveka. 

Velkommen til Oppdal! 
Oppdal Spell- og Dansarlag, med hovedkomiteen i spissen, har lagt ned mange dugnadstimar for årets arrangement allereie før startskotet går onsdag 30. juli kl 13.00. Gry Hoel, leiar av hovedkomiteen, fortel at det har vore eit svært godt samarbeid innad i hovedkomiteen og at dei gler seg til å ønskje  alle festivaldeltakarar og publikum hjarteleg velkome til glade festivaldagar i Oppdal. For den som ønskjer å besøkje festivalen, er det greit å vete at det fortsatt er ledige plassar på festivalcampingen og fleire ledige private innkvarteringsmoglegheiter. Arenaen til festivalen er kring Oppdal idrettshall og Oppdal kulturhus og er både kompakt og sentrumsnær. - Oppdal har et mangfold av fritidsaktiviteter for hele familien og muligheter for en svipp til fjells underveis i festivaluka om det er ønskelig, seier Gry. Arrangøren av årets festival er opptatt av lokal mat og lokale råvarer, og har sett saman ein god og variert meny i festivalteltet.  -Ingen skal gå sulten på festivalen vår, og vi er svært stolte av å kunne tilby våre gjester de beste retter av lokale råvarer til en fornøyelig pris, seier festivalsjefen. Ho legg til at det og er mange flotte butikkar og restaurantar i sentrum som er verdt eit besøk. -Vi gleder oss til å kunne ønske store og små hjertelig velkommen til Landsfestivalen i gammeldansmusikk her i Oppdal, avsluttar Gry Hoel med eit stort smil. Det er ingen tvil om at ho gler seg til at Landsfestivalen i gammaldansmusikk nok ein gong kjem til Oppdal!

For meir informasjon frå lokal arrangør, ta gjerne kontakt:
Gry Hoel
Leiar av hovedkomiteen
Tlf 913 98 878 
E-post: Gry@landsfestivalen.no 

For spørsmål kring deltaking, resultat og foto, ta gjerne kontakt
Liv Annette Nygjerdet
Rådgjevar i FolkOrg
Tlf: 934 19 382
E-post: livannette@folkorg.no